აშშ-ს სახელმწიფო მდივანი უკრაინის საგარეო საქმეთა მინისტრს შეხვდა

აშშ-ს სახელმწიფო მდივანი უკრაინის საგარეო საქმეთა მინისტრს შეხვდა. აშშ-ს სახელმწიფო მდივნის, ენტონი ბლინკენის განცხადებით, ოფიციალური ვაშინგტონი უკრაინის კონტრშეტევის პროგრესს ხედავს და იზრუნებს იმაზე, რომ უკრაინამ, როგორც ახლა, ისე გრძელვადიან პერსპექტივაში საჭირო დახმარება მიიღოს.

აღნიშნული განცხადება ბლინკენმა უკრაინის საგარეო საქმეთა მინისტრთან, დმიტრო კულებასთან ერთობლივ პრესკონფერენციაზე გააკეთა.

მისივე თქმით, ყოველი ვიზიტის დროს მას უკრაინელების სიმამაცე და გამძლეობა აოცებს.

„პირველ ყოვლისა, მე აქ იმისთვის ვარ, რომ უკრაინის მტკიცე მხარდაჭერის დემონსტრირება მოვახდინო. კონტრშეტევაში კარგი პროგრესი ვნახეთ. ჩვენი სურვილია, ვიზრუნოთ იმაზე, რომ უკრაინას ჰქონდეს ყველაფერი, რაც სჭირდება, რომ მას შეკავების კარგი ბერკეტები, ძლიერი თავდაცვის უნარი ჰქონდეს, რათა აგრესია მის წინააღმდეგ აღარ განმეორდეს“, - განაცხადა აშშ-ს სახელმწიფო მდივანმა.

მან ასევე დასძინა, რომ აშშ გააგრძელებს თანამშრომლობას ყველა პარტნიორთან იმისთვის, რომ უკრაინას აღდგენაში, ძლიერი ეკონომიკის და ძლიერი დემოკრატიის ჩამოყალიბებაში დაეხმაროს. შეგახსენებთ, რომ აშშ-ს სახელმწიფო მდივანი, ენტონი ბლინკენი ორდღიანი ოფიციალური ვიზიტით კიევს დღეს ეწვია.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)