დანიის პრემიერ-მინისტრი ოფიციალური ვიზიტით უკრაინას ეწვია

უკრაინაში ორდღიანი ოფიციალური ვიზიტით დანიის პრემიერ-მინისტრი, მეტე ფრედერიქსენი ჩავიდა.

უკრაინაში ფართომასშტაბიანი ომის დაწყების შემდეგ ეს მისი მესამე ვიზიტია.

უკრაინული მედიის ცნობით, კიევში ჩასვლამდე დანიის პრემიერი ბუჩაში მდებარე ეკლესიას ესტუმრა, სადაც ქალაქის ოკუპაციის დროს რუსი ჯარისკაცების მიერ ჩადენილი სამხედრო დანაშაულების ფოტოგამოფენა არის მოწყობილი.

შემდეგ პრემიერი უკრაინის უმაღლეს რადას ეწვია, სადაც დეპუტატებს სიტყვით მიმართა.

ამასთან, აღსანიშნავია, რომ მეტე ფრედერიქსენი უკრაინაში ენტონი ბლინკენსაც შეხვდა.

სახელმწიფო დეპარტამენტის წარმომადგენლის, მეთიუ მილერის განცხადებით, სახელმწიფო მდივანმა, ენტონი ბლინკენმა „კიევში მგზავრობისას“ დანიის პრემიერ-მინისტრთან ორმხრივი მოლაპარაკებები გამართა, მათ შორის უკრაინის მხარდაჭერის საკითხზეც, თუმცა მილერს არ დაუკონკრეტებია, ერთი მატარებლით ჩავიდნენ ისინი უკრაინაში თუ არა.

„სახელმწიფო მდივანმა, ენტონი ბლინკენმა და დანიის პრემიერ-მინისტრმა, მეტე ფრედერიქსენმა უკრაინის ომის საკითხი განიხილეს და ტრანსატლანტიკური უსაფრთხოებისთვის აშშ-სა და დანიის კავშირის მნიშვნელობას ხაზი გაუსვეს. შეერთებულ შტატებს და დანიას ხანგრძლივი მჭიდრო პარტნიორობა აკავშირებთ, რომელიც საერთო დემოკრატიულ ფასეულობებზე არის დაფუძნებული", - განაცხადა სახელმწიფო დეპარტამენტის წარმომადგენელმა.

ასევე, ენტონი ბლინკენმა კოპენჰაგენს „უკრაინელი პილოტების F-16-ის თვითმფრინავებზე სწავლების კოალიციაში ლიდერობისთვის და ამ თვითმფრინავების უკრაინისთვის გადაცემის შესახებ გადაწყვეტილებისთვის“ მადლობა გადაუხადა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)