ბორჯომის მერია - ბორჯომის მუნიციპალიტეტის მაღალმთიანეთში, ე.წ კოდიანზე, გუჯარეთის ხეობასა და თორში, მზის ელექტროსადგურები დამონტაჟდა

ბორჯომის მუნიციპალიტეტის მაღალმთიანეთში, ე.წ კოდიანზე, გუჯარეთის ხეობასა და თორში, სადაც მოსახლეობა სეზონურად მესაქონლეობას ეწევა, მზის ელექტროსადგურები დამონტაჟდა. ამის შესახებ ინფორმაციას ბორჯომის მერია ავრცელებს.

მათივე ცნობით, მზის პანელის სიმძლავრე საკმარისია ერთდროულად რამდენიმე საყოფაცხოვრებო ტექნიკის ჩასართავად.

„ტერიტორიაზე ჯამში, 12 კუნძულოვანი მზის ელექტროსადგურის სისტემა მოეწყო, რისთვისაც ადგილობრივი ბიუჯეტიდან 139 216 ლარი გამოიყო.

აღსანიშნავია, რომ აქამდე ე.წ. კოდიანს, გუჯარეთის ხეობასა და თორს ელექტროენერგია არ მიეწოდებოდა”, - ნათქვამია ინფორმაციაში.