პენტაგონი - აშშ დარწმუნებულია, რომ უკრაინელები ურანის შემცველ საბრძოლო მასალას პასუხისმგებლობით გამოიყენებენ

პენტაგონი - აშშ დარწმუნებულია, რომ უკრაინელები ურანის შემცველ საბრძოლო მასალას პასუხისმგებლობით გამოიყენებენ

შეერთებული შტატები დარწმუნებულია, რომ უკრაინელები გაღარიბებული ურანის შემცველ საბრძოლო მასალას პასუხისმგებლობით გამოიყენებენ, - ამის შესახებ აშშ-ის თავდაცვის დეპარტამენტის პრესსპიკერმა, საბრინა სინგმა CNN-თან ინტერვიუში განაცხადა.

მისი თქმით, აღნიშნული ჭურვები სტანდარტულია იმ ტანკებისთვის, რომელსაც შეერთებული შტატები იყენებს.

"აბსოლუტურად დარწმუნებული ვართ, რომ უკრაინელები, იბრძვიან რა საკუთარი სუვერენული ტერიტორიის დასაბრუნებლად, ამ საბრძოლო მასალას პასუხისმგებლობით გამოიყენებენ", - აღნიშნა პენტაგონის პრესსპიკერმა.

შეგახსენებთ, გუშინ აშშ-ის მთავრობამ გამოაცხადა, რომ უკრაინა სამხედრო დახმარების ახალ პაკეტს მიიღებს, რომელიც შეიცავს ჭურვებს გაღარიბებული ურანით.