პაკისტანისა და ავღანეთის საზღვართან მომხდარი დაპირისპირების გამო ქვეყნების მთავარი სასაზღვრო გამშვები პუნქტი დროებით დაიხურა. Reuter-ის ინფორმაციით, თორხამის გამშვები პუნქტის დახურვის მიზეზი პაკისტანისა და ავღანეთის სასაზღვრო ძალებს შორის მომხდარი ორმხრივი სროლა გახდა. მხარეები ცეცხლის გახსნასთან დაკავშირებით ურთიერთგამომრიცხავ ცნობებს ავრცელებენ.

თორხამი პაკისტანისა და ავღანეთის ყველაზე მნიშვნელოვანი სასაზღვრო პუნქტია, რომლის მეშვეობითაც ყოველდღიურად ქვეყნებს შორის ტონობით ტვირთი გადააქვთ. რამდენიმე დღის წინ პაკისტანისა და ავღანეთის საზღვართან კიდევ ერთი ინციდენტი მოხდა, რასაც პაკისტანის ხელისუფლების ინფორმაციით, 12 ადამიანი ემსხვერპლა.