რუსეთის საგარეო საქმეთა სამინისტრო უკრაინისთვის გაღარიბებული ურანის შემცველი იარაღის მიწოდებას დანაშაულებრივ აქტად აფასებს
რუსეთის საგარეო საქმეთა სამინისტრო უკრაინისთვის გაღარიბებული ურანის შემცველი იარაღის მიწოდებას დანაშაულებრივ აქტად აფასებს.
ამის შესახებ განცხადება ბიშკეკში მიმდინარე სემინარის - „ბირთვული გაუვრცელებლობის რეჟიმის გაძლიერების“ ფარგლებში რუსეთის საგარეო უწყების ხელმძღვანელის მოადგილემ, სერგეი რიაბკოვმა გააკეთა.
„უკრაინისთვის გაღარიბებული ურანის შემცველი იარაღის მიწოდება - აშშ-ს მხრიდან დანაშაულებრივ აქტს წარმოადგენს. ეს უბრალოდ ესკალაციისთვის გადადგმული ნაბიჯი კი არ არის, ეს ვაშინგტონის მიერ საბრძოლო მოქმედებების ზონაში მსგავსი იარაღის გამოყენების ეკოლოგიური შედეგებით აღმაშფოთებელი უგულებელყოფის ასახვაა“, - განაცხადა რუსმა დიპლომატმა.
მან ასევე აღნიშნა, რომ მსოფლიოში ასეულობით საექსპერტო მასალაა გამოყენებული იმ ზიანზე, რომლის მოტანა გარემოსთვის გაღარიბებული ურანის შემცველ იარაღს შეუძლია.
„ამერიკელებს ეგ არ აინტერესებთ. ეს გასაგებია, რადგან იარაღი მათ ტერიტორიაზე არ იქნება გამოყენებული. ასევე არ აინტერესებთ, რა შედეგები ექნება ამას იმათთვის, ვინც ახლა იბრძვის და იმ თაობებისთვის, ვინც ამ მიწაზე იცხოვრებს მომავალში”, - განაცხადა რიაბკოვმა.
