რიგაში „ნორდიკული რვიანის“ საგარეო საქმეთა მინისტრების შეხვედრა გაიმართება, სადაც რეგიონის უსაფრთხოებისა და უკრაინის მხარდაჭერის საკითხები იქნება განხილული.

ინფორმაციას მონაწილე ქვეყნების შესაბამის უწყებებზე დაყრდნობით, „ევროპეისკაია პრავდა“ ავრცელებს.

გამოცემის ცნობით, შეხვედრაში დანიის, შვედეთის, ნორვეგიის, ფინეთის, ისლანდიის, ლიეტუვას, ლატვიის და ესტონეთის საგარეო საქმეთა მინისტრები მიიღებენ მონაწილეობას.

„ჩვენ რეგიონული თანამშრომლობის, რეგიონის უსაფრთხოების, უკრაინის შემდგომი მხარდაჭერისა და რუსეთის პასუხისგებაში მიცემის საკითხებზე ვიქნებით კონცენტრირებულნი“, - განაცხადა ლატვიის ექს-პრემიერმა, ამჟამად კი, საგარეო საქმეთა მინისტრის მოვალეობების შემსრულებელმა კრიშიანის კარინშმა.