ფინეთის პრეზიდენტის, საული ნიინისტეს განცხადებით, უახლოეს მომავალში უკრაინაში ომის დასრულების პერსპექტივა არ ჩანს, პირიქით, მისი გაფართოების და ბირთვული იარაღის გამოყენების სერიოზული რისკი არსებობს.
ინფორმაციას ფინური მედია ავრცელებს.
ფინეთის პრეზიდენტის თქმით, რუსი სამხედროები საკმაოდ კარგად გამაგრდნენ თავდაცვით პოზიციებზე, რაც ომის დასრულების პერსპექტივას აშორებს.
„უკრაინაში ომის გაფართოების დიდი რისკი არსებობს, ასევე სერიოზულად უნდა აღვიქვათ ბირთვული იარაღის გამოყენების რისკიც, რადგან ეს დასასრულს ნიშნავს“, - განაცხადა ნიინისტემ.
ფინეთის პრეზიდენტმა ასევე რუმინეთში რუსული Shahed-ის ნაწილების ჩამოვარდნის ფაქტს გამოეხმაურა და განაცხადა, რომ მსგავს ინციდენტს, ოღონდ რაკეტის ჩამოვარდნასთან დაკავშირებით, პოლონეთშიც ჰქონდა ადგილი.
„ეს დამატებითი დემონსტრირებაა იმის, რომ ასეთი ინციდენტები შეიძლება მოხდეს, განზრახ თუ შემთხვევით. წვრილმანსაც კი შეუძლია შეცვალოს სიტუაცია და სამწუხაროდ, უარესობისკენ“, - განაცხადა საული ნიინისტემ.