მოსკოვში სამეცნიერო-სამრეწველო საწარმო „სალუტის“ შენობაში ხანძარი გაჩნდა. ინფორმაციას მოსკოვის საგანგებო სამსახურები ავრცელებენ.
„ქარხნის შენობაში ხანძრის გაჩენის შემდეგ, თანამშრომლების ევაკუაცია განხორციელდა. ამჟამად ხანძარი ლოკალიზებულია. დაზარებულებზე ინფორმაცია არ შემოსულა“, - ნათქვამია განცხადებაში.
მედიის ცნობით, ქარხანა სამხედრო მოწყობილობას აწარმოებს.
ხანძარი მიკროელექტრონიკის შემადგენლობაზე გავრცელდა, მოგვიანებით ცნობილი გახდა, რომ აალება მიკროელექტრონიკის ბლოკის სავენტილაციო კამერაში მოხდა.
