რუსებმა სუმი და ზაპოროჟიე დაბომბეს, არიან დაშავებულები, დანგრეული და დაზიანებული სახლები
რუსულმა ძალებმა დღეს დილით უკრაინის ქალაქებზე, სუმსა და ზაპოროჟიეზე სარაკეტო თავდასხმები განახორციელეს, რის შედეგადაც სულ მცირე 3 ადამიანი დაშავდა, - ინფორმაციას უკრაინული მედია ზაპოროჟიეს საოლქო-სამხედრო ადმინისტრაციის ხელძღვანელზე, იური მალაშკოზე და სუმის სამხედრო ადმინისტრაციაზე დაყრდნობით ავრცელებს.
„დილით, რუსმა სამხედრო მოსამსახურეებმა ზაპოროჟიეზე სარაკეტო შეტევა განახორციელეს, ერთი ადამიანი დაშავდა. თავდასხმის ადგილზე შესაბამისი სამსახურები მუშაობენ“, - წერს იური მალაშკო "ტელეგრამზე".
ამასთან, სუმში, საცხოვრებელ სექტორზე განხორციელებული თავდასხმის შედეგად 2 ადამიანი დაშავდა, რომლებიც მაშველებმა ნანგრევებიდან ამოიყვანეს. წინასწარი ინფორმაციით, დანგრეულია ორსართულიანი საცხოვრებელი სახლი. გარდა ამისა, დაზიანდა 20-ზე მეტი სახლი და 8 ავტომობილი და დიდ ტერიტორიაზე ხანძარი გაჩნდა.
v-if="article.gallery" v-html="article.gallery"
