რუსებმა კრივი-რიჰს დაარტყეს, დაიღუპა 1 და დაშავდა 25 ადამიანი

კრივი-რიჰში, რუსული ძალების მიერ განხორციელებული საჰაერო თავდასხმის შედეგად, 1 ადამიანი დაიღუპა და 25 - დაშავდადნეპროპეტროვსკის ოლქის ქალაქ კრივი-რიჰში რუსული ძალების მიერ დღეს დილით განხორციელებული საჰაერო თავდასხმის შედეგად, 1 ადამიანი დაიღუპა და 25 - დაშავდა, - ინფორმაციას უკრაინული მედია ქვეყნის შინაგან საქმეთა მინისტრზე, იგორ კლიმენკოზე დაყრდნობით ავრცელებს.

მისივე ინფორმაციით, დაღუპული პირი პოლიციელია. ამასთან, ნანგრევებიდან საგანგებო სიტუაციების სახელმწიფო სამსახურის 3 მაშველი ამოიყვანეს, მათი მდგომარეობა მძიმეა.

მოგვიანებით, კრივი-რიჰის თავდაცვის საბჭოს თავმჯდომარემ, ალექსანდრე ვილკულმა განაცხადა, რომ რაკეტა ადმინისტრაციულ შენობას მოხვდა, სადაც რამდენიმე ოფისი იყო განთავსებული.

არმაზ ახვლედიანი - „ქართულმა ოცნებამ“ საარჩევნო პროცესი უკვე დაიწყო, დაიწყო გამოცხადების გარეშე და ჩვენ მკაფიოდ გვეუბნება, რომ არც ერთ შემთხვევაში არ აპირებს ძალაუფლების დათმობას
ქართული პრესის მიმოხილვა 25.09.2023
ირანი და სამხრეთ კავკასია: გეოგრაფია და იმპერიული ამბიციები
კომპანია „ავერსი“ ფარმაცევტებს პროფესიულ დღეს ელოცავს