გიორგი ვაშაძე - პრეზიდენტს, რაც ამ პროცესში შეუძლია გააკეთოს, სააკაშვილის შეწყალებაა - 100%-ით დაზუსტებული ინფორმაცია მაქვს, მას სააკაშვილის შეწყალების საკითხი მათ შორის საფრანგეთის პრეზიდენტთან შეხვედრაზე დაუსვეს
პრეზიდენტს, რაც ამ პროცესში შეუძლია გააკეთოს, მიხეილ სააკაშვილის შეწყალებაა - 100 პროცენტით დაზუსტებული ინფორმაცია მაქვს, მას სააკაშვილის შეწყალების საკითხი მათ შორის საფრანგეთის პრეზიდენტთან შეხვედრაზე დაუსვეს, - ამის შესახებ „სტრატეგია აღმაშენებლის“ ლიდერმა გიორგი ვაშაძემ ჟურნალისტებს განუცხადა.
ვაშაძემ სალომე ზურაბიშვილის იმპიჩმენტთან დაკავშირებულ პროცესზეც ისაუბრა და მას „აბსურდული" უწოდა.
„გამომდინარე იქიდან, რომ "ქართული ოცნება" რუსულ დავალებას ასრულებს, ბორელის საქართველოში ვიზიტს იმპიჩმენტის საკითხი დაახვედრეს, რათა გარემო კიდევ უფრო დაემძიმებინათ. ხომ ვიცით, რომ იმპიჩმენტისთვის საჭირო 100 ხმა არა აქვთ - რას ემსახურება ეს ყველაფერი?! თვითონაც აღიარებენ, რომ მთელი ეს პროცესი არის აბსურდი, ყველა „ქოცი“ ამბობს, რომ 100 ხმა არა აქვთ და ამ ხმების დაგროვების ვერავითარ შანსს ვერ ვხედავ", - განაცხადა გიორგი ვაშაძემ.
v-if="article.gallery" v-html="article.gallery"
