რუმინეთში კიდევ ერთი დრონის ნამსხვრევები აღმოაჩინეს

რუმინეთში კიდევ ერთი დრონის ნამსხვრევები აღმოაჩინეს.

ამის შესახებ ინფორმაციას რუმინეთის თავდაცვის სამინისტრო ავრცელებს.

დრონის ფრაგმენტები ტულჩას ოლქის სოფელ პლაურუსთან მახლობლად აღმოაჩინეს. საძიებო მისია ადგილობრივი ხელისუფლებისგან ინფორმაციის მიღების შემდეგ დაიწყო. რუმინეთის პრეზიდენტმა კლაუს იოჰანისმა ოპერატიული რეაგირება მოახდინა ინციდენტზე და განაცხადა, რომ რუმინეთის ტერიტორიაზე უკრაინის საზღვართან ახლოს დრონის ახალი ფრაგმენტების აღმოჩენა, რომლებიც რუსი სამხედროების მიერ გამოყენებულ დრონებს ჰგვანან, იმაზე მეტყველებს, რომ რუმინეთის სუვერენული საჰაერო სივრცის სრულიად მიუღებელი დარღვევა მოხდა.

„კიდევ ერთხელ მკაცრად ვგმობ რუსეთის მიმდინარე თავდასხმებს უკრაინული მოსახლეობისა და სამოქალაქო ინფრასტრუქტურის წინააღმდეგ, მათ შორის დუნაიზე უკრაინულ პორტებზე, რუმინეთის საზღვართან ახლოს. ეს თავდასხმები საერთაშორისო სამართლის ნორმებს არღვევენ და სამხედრო დანაშაულებს წარმოადგენენ,” - განაცხადა იოჰანისმა.

მან აღნიშნა, რომ შაბათს ნატო-ს გენერალურ მდივანთან იენს სტოლტენბერგთან ჰქონდა სატელეფონო საუბარი, რომლის დროსაც, ახალი მოვლენების შესახებ შეატყობინა, ხოლო გენერალურმა მდივანმა რუმინეთთან სრული სოლიდარობა გამოხატა და აღნიშნა, რომ ალიანსი და მისი წევრები სრულიად უჭერენ მხარს რუმინეთს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024