აზერბაიჯანი ყარაბაღი-სომხეთის გზის გახსნაზე შეთანხმების მიღწევას უარყოფს

აზერბაიჯანის პრეზიდენტის ილჰამ ალიევის მრჩეველი, ჰიკმეტ ჰაჯიევი უარყოფს ინფორმაციას, რომ ბაქომ ყარაბაღის ე.წ. "ხელისუფლებასთან" მიაღწია შეთანხმებას აზერბაიჯანისა და სომხეთისკენ მიმავალი გზების გახსნის შესახებ.

ჰაჯიევი სოციალურ ქსელში წერს, რომ ყარაბაღის არალეგალური რეჟიმი არ დაეთანხმა ბაქოს შეთავაზებას გზების ერთდროულად გახსნასთან დაკავშირებით.

ჰაჯიევი განმარტავს, რომ აზერბაიჯანი შეინარჩუნებს სასაზღვრო და საბაჟო კონტროლს ლაჩინის დერეფანზე, რომელიც ყარაბაღს სომხეთთან აკავშირებს. მისი თქმით, პირველად 1988 წლის შემდეგ აზერბაიჯანისკენ მიმავალი გზა ჰუმანიტარული დახმარების მიწოდებისთვის გაიხსნება, რაც ბაქოს მთავარი მოთხოვნაა.

სომხურმა მედიამ შაბათს გაავრცელა ინფორმაცია, რომ ყარაბაღის "ოფიციალური პირები" დაეთანხმნენ ბაქოს მოთხოვნებს, გაეხსნათ აზერბაიჯანისკენ მიმავალი გზა ლაჩინის დერეფნის ბლოკადის მოხსნის სანაცვლოდ. ყარაბაღის "ოფიციალური პირების" მტკიცებით, მათ ეს გადაწყვეტილება რეგიონში "მძიმე ჰუმანიტარული პრობლემების" გათვალისწინებით მიიღეს.

ამასთან, ჰაჯიევმა Reuters დაუდასტურა, რომ ე.წ. ყარაბაღის ხელისუფლება, სომხეთისკენ გზის გახსნის სანაცვლოდ, აზერბაიჯანიდან დახმარების ტვირთების ტერიტორიაზე შესვლას დასთანხმდა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)