ვოლოდიმირ ზელენსკი - დიპლომატია შეცდომა არაა, შეცდომაა პუტინთან დიპლომატია - ის მხოლოდ საკუთარ თავთან აწარმოებს მოლაპარაკებებს

ფრონტის ხაზზე შეზღუდული პროგრესიც კი აუცილებელია, თუ ჩვენ რუსებზე სამხრეთიდან მოვახდენთ წეზოლას, გაიქცევიან, - ამის შესახებ უკრაინის პრეზიდენტმა, ვოლოდიმირ ზელენსკიმ The Economist-თან ინტერვიუში განაცხადა.

"წინსვლა გვაქვს, უკრაინელმა ჯარისკაცებმა, ზაპოროჟიეს რეგიონში, რუსეთის სამი ძირითადი თავდაცვითი ხაზიდან ერთი გაარღვიეს და დიდი გარღვევა ჯერ კიდევ წინაა. თუ ჩვენ მათზე სამხრეთიდან მოვახდენთ ზეწოლას, გაიქცევიან", - აღნიშნა ზელენსკიმ.

მისი თქმით, კონტრშეტევის მეორე ფრონტზე, ქალაქ ბახმუტთან, უკრაინული ძალები ასევე ნელ-ნელა იბრუნებენ ტერიტორიებს. რაც შეეხება განცხადებებს იმასთან დაკავშირებით, რომ კონტრშეტევა ნელი ტემპით მიმდინარეობს, ზელენსკის თქმით, ტერიტორიის დაბრუნება დაბალანსებული უნდა იყოს რაც შეიძლება მეტი სიცოცხლის შენარჩუნებასთან.

უკრაინის პრეზიდენტის განმარტებით, ეს არ არის ისეთი ომი, სადაც ქვეყნის ლიდერი ამბობს, რომ ფასს მნიშვნელობა არ აქვს და ეს არის განსხვავება მასსა და ვლადიმერ პუტინს შორის, რომლისთვისაც ადამიანების სიცოცხლე არაფერია.

"გამარჯვება არ მოვა ხვალ და ზეგ, მაგრამ ის არ არის რაიმე ფანტასტიკური ოცნება. უკრაინა იმსახურებს გამარჯვებას და დასავლეთმა მას მხარი უნდა დაუჭიროს", - აღნიშნა ზელენსკიმ.

მან პუტინთან დათმობაზე წასვლის იდეა გამორიცხა და ხაზი გაუსვა, რომ ომი გაგრძელდება მანამ, სანამ რუსეთი დარჩება უკრაინის ტერიტორიაზე. "დიპლომატია შეცდომა არ არის. შეცდომაა პუტინთან დიპლომატია. ის მხოლოდ საკუთარ თავთან აწარმოებს მოლაპარაკებებს“, - აღნიშნა ზელენსკიმ.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა