მიხაილო პოდოლიაკი - ბრაზილიის პრეზიდენტი მხარს უჭერს უკანონობას რუსი მკვლელების გულისთვის

ბრაზილიის პრეზიდენტის, ლუის ინასიო ლულა და სილვას განცხადება, რომ "დიდი ოცეულის" მომავალ სამიტზე რუსეთის პრეზიდენტს, ვლადიმერ პუტინს დაპატიმრების შიშის გარეშე მიიწვევს, მიუღებელია, - ამის შესახებ უკრაინის პრეზიდენტის ადმინისტრციის ხელმძღვანელის მრჩეველმა, მიხაილო პოდოლიაკმა განაცხადა.

„რატომ უნდა მოახდინო რომის წესდების რატიფიცირება, თუ არ აპირებ მის განხორციელებას? რატომ უნდა ააშენო ქვეყნის რეპუტაცია იმისთვის, რომ გაანადგურო ის 2024 წელს პუტინის მოწვევის მიზნით, რომელიც რეგულარულად აცხადებს, რომ განზრახ სჩადის დანაშაულს უკრაინელების წინააღმდეგ? რატომ გჭირდებათ წესები, თუ მათ დარღვევას აპირებთ სკანდალური პოპულიზმის გამო?“ - აცხადებს პოდოლიაკი.

მისი თქმით, ბრაზილიის პრეზიდენტი არის კურსის ავტორი - "დაარღვიე ყველაფერი, რაც შეგიძლია". პოდოლიაკი აღნიშნავს, რომ ლუის ინასიო ლულა და სილვა უკანონობის მომხრეა "რუსი მკვლელების გულისთვის!".

შეგახსენებთ, ბრაზილიის პრეზიდენტმა განაცხადა, რომ ვლადიმერ პუტინს ბრაზილიაში არ დააპატიმრებენ, თუ ის მომავალ წელს რიო-დე-ჟანეიროში "დიდი ოცეულის" სამიტს დაესწრება.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება