სომხეთის რესპუბლიკის პრემიერ-მინისტრს, ნიკოლ ფაშინიანსა და თურქეთის პრეზიდენტს, რეჯეფ თაიფ ერდოღანს შორის სატელეფონო საუბარი შედგა.
ინფორმაციას სომხეთის რესპუბლიკის მთავრობის პრესსამსახური ავრცელებს და აღნიშნავს, რომ საუბარი სომხეთსა და თურქეთს შორის არსებულ ურთიერთობებსა და რეგიონულ საკითხებს შეეხო.
"საუბრის დროს ორი ქვეყნის ლიდერმა ხაზგასმით აღნიშნეს, რომ რეგიონში გრძელვადიანი მშვიდობისა და სტაბილურობის მიღწევა რეგიონის ყველა ქვეყნის განვითარებასა და აყვავებას შეუწყობს ხელს", - ნათქვამია განცხადებაში.
როგორც მედია აღნიშნავს, სატელეფონო საუბარს რეჯეფ თაიფ ერდოღანის განცხადება უძღოდა წინ, რომლის თანახმად, მთიან ყარაბაღში სომხეთის ქმედებები მას არასწორად მიაჩნია.