შვედეთი მომავალი წლის თავდაცვის ბიუჯეტს ზრდის, რითაც ნატოს წევრი ქვეყნისთვის განსაზღვრულ მიზნობრივ მაჩვენებელს გაუტოლდება

შვედეთი მომავალი წლის თავდაცვის ბიუჯეტს 27 მლრდ. კრონით (2,28 მლრდ. ევრო) ზრდის, რის შედეგადაც ნატოს წევრი ქვეყნებისთვის განსაზღვრულ 2 პროცენტიან მიზნობრივ მაჩვენებელს გაუტოლდება.

ინფორმაციას შვედური მედია ავრცელებს.

შვედეთის თავდაცვის მინისტრის, პოლ იონსონის განცხადებით, თავდაცვის სფეროში ქვეყნის წინაშე ისტორიული ამოცანები დგას.

"1950 წლებიდან პირველად ჩვენი თავდაცვის გადაიარაღების სამუშაოებს ვააქტიურებთ", – განაცხადა იონსონმა.

მისი თქმით, ხარჯების გაზრდა რუსეთის მიერ უკრაინაზე ღია თავდასხმის შემდეგ, ევროპაში უსაფრთხოებასთან დაკავშირებული ვითარების გაუარესების პირდაპირი შედეგია, ამიტომ ქვეყნის ჯარმა უზრუნველყოფაზე უფრო აქტიურად უნდა იზრუნოს, ვითარებას ადევნოს თვალი და წვრთნები ჩაატაროს.

"თანდათან წვევამდელთა ყოველწლიური ოდენობაც გაიზრდება, 2025 წლისთვის ეს მაჩვენებელი წელიწადში 8000 შეადგენს", - განაცხადა მინისტრმა.

როგორც მედია აღნიშნავს, ნაწილობრივ ხარჯების გაზრდა ნატოში მოსალოდნელ წევრობასთანაც არის დაკავშირებული – შვედეთმა ნატოს სამეთაურო სტრუქტურებში 250 სამხედროს დელეგირება უნდა მოახდინოს.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად