ლიბიაში წყალდიდობის შედეგად ათასობით ადამიანი დაკარგულად ითვლება - ვარაუდობენ, რომ დაღუპულია 2 000-მდე ადამიანი

ქარიშხალმა "დანიელმა" ლიბიაში დამანგრეველი წყალდიდობა გამოიწვია, რომელმაც კაშხლები გაარღვია და რამდენიმე ქალაქში მთელი უბნები წალეკა.

მედიის ინფორმაციით, ლიბიის ხელისუფლებაში ვარაუდობენ, რომ სტიქიის შედეგად 2 000-მდე ადამიანი დაიღუპა. წყალდიდობამ ყველაზე დიდი ნგრევა ქალაქ დერნაში გამოიწვია, სადაც ათასობით ადამიანი დაკარგულად ითვლება.

დერნა კატასტროფის ზონად გამოცხადდა. აღმოსავლეთ ლიბიის მთავრობის შინაგან საქმეთა მინისტრის, ესამ აბუ ზერიბის განცხადებით, დერნაში 5 000-ზე მეტი ადამიანი დაკარგულად ითვლება.