სამხრეთ კორეა ყურადღებით აკვირდება, გამართავენ თუ არა ჩრდილოეთ კორეა და რუსეთი მოლაპარაკებებს იარაღის მიწოდებასა და ტექნოლოგიების გადაცემაზე, - ამის შესახებ სამხრეთ კორეის თავდაცვის სამინისტროს პრესსპიკერმა, ჯეონ ჰა-კიუმ განაცხადა.
მისი თქმით, უწყების ინფორმაციით, კიმ ჩენ ინი რუსეთში დღეს დილით დიდი რაოდენობით სამხედრო პირის თანხლებით ჩავიდა.
შეგახსენებთ, კრემლის პრესსპიკერმა, დიმიტრი პესკოვმა ჟურნალისტებს განუცხადა, რომ რუსეთის პრეზიდენტის, ვლადიმერ პუტინისა და ჩრდილოეთ კორეის ლიდერის, კიმ ჩენ ინის შეხვედრა შორეულ აღმოსავლეთში გაიმართება, სადაც 10-13 სექტებერს აღმოსავლეთის ეკონომიკური ფორუმი იმართება.