აშშ-ს სენატში ილონ მასკის და უკრაინაში Starlink-ის მუშაობასთან დაკავშირებით გამოძიებას ითხოვენ

აშშ-ს სენატში ილონ მასკის მიმართ და უკრაინაში Starlink-ის მუშაობასთან დაკავშირებით გამოძიებას ითხოვენ.

აშშ-ს დემოკრატი სენატორმა ელიზაბეთ უორენმა SpaceX-ის საქმიანობასთან დაკავშირებით გამოძიების ჩატარება მოითხოვა.

ინფორმაციას სააგენტო Bloomberg-ი ავრცელებს.

გამოცემის ინფორმაციით, აღნიშნული განცხადება სენატორმა იმის შემდეგ გააკეთა, რაც აღნიშნული კომპანიის მფლობელმა, ილონ მასკმა აღიარა, რომ ოკუპირებული ყირიმის სანაპიროსთან განლაგებული რუსულ სამხედრო ხომალდებზე უკრაინის შეიარაღებული ძალების მხრიდან შესაძლო თავდასხმის თავიდან ასაცილებლად, ამ ქვეყანას Starlink-თან წვდომა დაუბლოკა.

„აშშ-ს კონგრესმა ამ ფაქტთან დაკავშირებით გამოძიება უნდა დაიწყოს და განსაზღვროს, გაგვაჩნია თუ არა ადეკვატური ინსტრუმენტები იმისთვის, რომ დავრწმუნდეთ, ქვეყნის საგარეო პოლიტიკას მთავრობა ატარებს და არა ერთი მილიარდერი”, - განაცხადა უორენმა.

მისივე თქმით, აშშ-ს თავდაცვის დეპარტამენტმა SpaceX-თან არსებული საკონტრაქტო ურთიერთობების გადახედვა უნდა განახორციელოს.

შეიარაღებული ძალების საკითხებში სენატის კომიტეტის თავმჯდომარის, ჯეკ რიდის თქმით, ის ასევე შეშფოთებულია ამ საკითხით, რადგან თანამგზავრებზე კონტროლს ტრადიციულად მთავრობები ახორციელებდნენ, ხოლო მათი გამოყენების სფეროს - პრეზიდენტები წყვეტდნენ. „SpaceX-ის მიერ კოსმოსის ხელმისაწვდომის ღირებულების შემცირება, მათ შორის ეროვნული უსაფრთხოების ინტერესებში განხორციელებულ გაშვებებზე, პოზიტიური ცვლილება იყო, მაგრამ ამ კომპანიის მფლობელის (ილონ მასკი) სიტყვა არ შეიძლება იყოს საბოლოო, როდესაც საუბარი ეროვნულ უსაფრთხოებას ეხება", - განაცხადა რიდმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი