მატეუშ მორავეცკი - პოლონეთი არ დაუშვებს, რომ უკრაინულმა მარცვლეულმა წაგვლეკოს - საზღვრებს არ გავხსნით!

პოლონეთის პრემიერ-მინისტრის, მატეუშ მორავეცკის განცხადებით, მიუხედავად იმისა, რა გადაწყვეტილებას მიიღებს ბრიუსელი უკრაინულ აგროიმპორტთან დაკავშირებით, პოლონეთი არ დაუშვებს ქვეყანა „უკრაინულმა მარცვლეულმა წალეკოს“.

„პოლონეთი არ დაუშვებს, რომ უკრაინულმა მარცვლეულმა წაგვლეკოს. რაც არ უნდა იყოს ბრიუსელის ოფიციალური პირების გადაწყვეტილება, ჩვენ საზღვრებს არ გავხსნით“, - აღნიშნა პოლონეთის პრემიერმა.

მისი თქმით, როდესაც მეზობელ ქვეყანას დახმარება სჭირდებოდა პოლონელებმა მათ „საკუთარი გულები და სახლები გაუღეს", მაგრამ როდესაც საქმე ეხება პოლონეთის ინტერესებისთვის ბრძოლას, მთავრობა იძლევა გარანტიას, რომ პოლონელი ფერმერების ინტერესები იქნება დაცული.

‘ჩვენ ვეუბნებით „არას“ პოლონეთის სოფლის მეურნეობის ბაზრის შეფერხებას და მომხმარებლებისა და მწარმოებლებისთვის ზიანის მიყენებას. სწორედ ჩვენმა მკაცრმა პოზიციამ შეაჩერა უკრაინული მარცვლეულის იმპორტი ევროკავშირის საერთო ბაზარზე", - აღნიშნა მორავეცკიმ.

შეგახსენებთ, დღეს, პოლონეთის მთავრობა გეგმავს, მიიღოს რეზოლუცია, რომელიც ევროკომისიას მოუწოდებს, უკრაინული მარცვლეულის იმპორტის აკრძალვა15 სექტემბრის შემდეგაც გააგრძელოს. უკრაინის ხელისუფლებაში აცხადებენ, რომ აკრძალვის ცალმხრივი გაგრძელება დაარღვევს საერთო ბაზრის წესებს და უკრაინა-ევროკავშირის ასოცირების შეთანხმებას.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი