პოლონეთისა და უკრაინის პრეზიდენტებს შორის შეხვედრა შესაძლოა, უახლოეს მომავალში შედგეს

ე.წ. მარცვლეულის კრიზისის ფონზე, პოლონეთისა და უკრაინის პრეზიდენტებს შორის შეხვედრა, შესაძლოა, უახლოეს მომავალში შედგეს.

განცხადება რადიო RMF24-ს ეთერში პოლონეთის პრეზიდენტის კანცელარიის ხელმძღვანელმა, პაველ შროტმა გააკეთა.

შროტის თქმით, ქვეყნის შორის ურთიერთობები შეიძლება შეფასდეს, როგორც „კარგი“, რადგან პოლონეთი მეზობელ ქვეყანას მისი თავისუფლების და დამოუკიდებლობის დაცვაში მხარს უჭერს, მაგრამ ეს არ ცვლის იმ ფაქტს, რომ კიევსაც და ვარშავასაც აქვს თავისი ინტერესები, რომლებიც რეალიზებას მოითხოვს.

„უკრაინული მარცვლეულისთვის საზღვრის დახურვით, პოლონეთი თავისი ეროვნული ინტერესების რეალიზებას ახდენს, რადგან ჩვენ ამ მარცვლეულის საჭიროება არ გვაქვს“, - აღნიშნა პოლონეთის პრეზიდენტის კანცელარიის ხელმძღვანელმა.

მისივე განცხადებით, უკრაინული მარცვლეული ძალიან სჭირდებათ იმ ქვეყნებს, რომლებსაც უკრაინის წინააღმდეგ რუსული აგრესიის შედეგად შიმშილი ემუქრება – აფრიკისა და ახლო აღმოსავლეთის ქვეყნებს და პოლონეთი თავისი ტერიტორიის გავლით ამ ქვეყნებში უკრაინული მარცვლეულის მიწოდებას ხელს შეუწყობს.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება