მედია - უკრაინული უპილოტო საფრენი აპარატით რუსეთის საწვავის მწარმოებელ ქარხანაზე თავდასხმა განხორციელდა

ტვერის რეგიონში უკრაინული დრონი თავს დაესხა რუსულ ქარხანას, რომელიც სარაკეტო საწვავს აწარმოებს.

რეგიონული ხელისუფლების განცხადებით, უპილოტო საფრენი აპარატი კონაკოვოს რაიონში ჩამოაგდეს.

რუსული „ტელეგრამის“ არხების თანახმად კი, უკრაინული უპილოტო საფრენი აპარატის ნამსხვრევები დაეცა Redkinsky-ის საპილოტე ქარხნის ტერიტორიაზე, რომელიც ავიაციისა და რაკეტებისთვის საწვავს აწარმოებს.

ვარაუდობენ, რომ Spetsneftprodukt-ის მიერ იჯარით აღებული საწყობის ტერიტორიაზე დაზიანებულია ცარიელი ავზი და ჩამსხვრეულია მინები, ხანძარი ან საწვავის დაღვრა არ მომხდარა.

ამავდროულად, „РБК-უკრაინის“ წყარომ მთავარ სადაზვერვო სამმართველოში წარმატებული თავდასხმის შესახებ განაცხადა.

„დღეს ასევე იყო დარტყმა რედკინსკის საპილოტე ქარხანაზე ტვერის რეგიონში. იქ იწარმოება საავიაციო საწვავი დეცილენი. ეს იყო უპილოტო საფრენი აპარატის შეტევა. არის დარტყმა და არის განადგურება“ , - განაცხადა სააგენტოს წყარომ.

13 სექტემბრის ღამით, უკრაინამ ანექსირებულ სევასტოპოლზე სარაკეტო და საზღვაო დრონებით თავდასხმა განახორციელა. თავდასხმის შედეგად დაზიანდა დიზელ-ელექტრო წყალქვეშა ნავი „დონის როსტოვი“ და დიდი სადესანტო გემი „მინსკი“.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად