რუმინეთმა, რუსეთის მიერ გამოყენებული დრონების ნამსხვრევების საკუთარ ტერიტორიაზე აღმოჩენის გამო, რუსეთის დიპლომატიური მისიის ხელმძღვანელი დაიბარა

რუმინეთმა, რუსეთის მიერ გამოყენებული დრონების ნამსხვრევების ქვეყნის ტერიტორიაზე კიდევ ერთხელ აღმოჩენის შემდეგ, რუსეთის დიპლომატიური მისიის ხელმძღვანელი საგარეო საქმეთა სამინისტროში დაიბარა.

„13 სექტემბერს ტულჩას ოლქში დრონის ახალი ფრაგმენტების აღმოჩენასთან დაკავშირებით, საგარეო საქმეთა სამინისტრო გამოხატავს პროტესტს რუმინეთის საჰაერო სივრცის მორიგი დარღვევის გამო. საგარეო საქმეთა სამინისტრო მტკიცედ მოუწოდებს, შეწყდეს რუსეთის მხრიდან უკრაინის მშვიდობიანი მოსახლეობასა და ინფრასტრუქტურაზე რეგულარული თავდასხმები და უპასუხისმგებლო ესკალაცია“, - აღნიშნულია რუმინეთის საგარეო საქმეთა სამინისტროს განცხადებაში.

უწყება რუსეთის ამ თავდასხმებს საერთაშორისო სამართლის დარღვევას და ომის დანაშაულს უწოდებს.

"საგარეო საქმეთა სამინისტრომ აცნობა ნატოელ მოკავშირეებს და ახორციელებს მათთან კონსულტაციებს რუმინეთ-უკრაინის საზღვარზე არსებული ვითარების შესახებ. საგარეო საქმეთა სამინისტრო ასევე სასწრაფოდ იბარებს რუსეთის დიპლომატიური მისიის ხელმძღვანელს“, - აცხადებენ უწყებაში.

შეგახსენებთ, გუშინ ცნობილი გახდა, რომ რუმინეთმა ნატო-ს საკუთარ ტერიტორიაზე რუსეთის მიერ გამოყენებული დრონების ნამსხვრევების აღმოჩენის მესამე შემთხვევის შესახებ შეატყობინა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი