ლიბიის ქალაქ დერნაში, ეპიდემიის გავრცელების საშიშროების გამო, ცხედრებისთვის სპეციალურ ტომრებს ითხოვენ - ქალაქის მერის განცხადებით, წყალდიდობის მსხვერპლთა რიცხვმა, შესაძლოა, 20 000-ს მიაღწიოს

ქარიშხალ „დანიელის“ გამო გამოწვეული წყალდიდობის შედეგად განადგურებულ ლიბიის ქალაქ დერნაში მაშველები ცხედრებისთვის სპეციალურ ტომრებს ითხოვენ.

„გვჭირდება გუნდები, რომლებიც სპეციალიზებული არიან ცხედრების ამოსვენებაში. ვშიშობ, რომ ქალაქი დაინფიცირდება ეპიდემიით ნანგრევებში და წყალში დიდი რაოდენობის ცხედრების არსებობის გამო“, - განაცხადა დერნას მერმა, აბდულმენამ ალ-გაითიმ.

მანამდე, აღმოსავლეთ ლიბიის სამოქალაქო ავიაციის მინისტრმა განაცხადა, რომ ზღვიდან მუდმივად ირიყება ათობით ცხედარი და ბევრი მათგანი იდენტიფიცირებისთვის უკვე გადასვენებულია.

„ცხედრები ყველგანაა, სახლებში, ქუჩებში, ზღვაში. სადაც არ უნდა წახვიდეთ, იპოვით გარდაცვლილ მამაკაცებს, ქალებს და ბავშვებს,“ - განაცხადა ბენღაზის ჰუმანიტარული დახმარების სამსახურის თანამშრომელმა, ემად ალ-ფალახმა მედიასთან საუბარში.

გავრცელებული ინფორმაციით, დაავადების გავრცელების თავიდან აცილების მიზნით ცხედრების დაკრძალვის აუცილებლობის გამო ასობით ადამიანი ერთ საფლავში ერთად დაკრძალეს. მედია იუწყება, რომ დერნას მაცხოვრებლები ახალი საველე საავადმყოფოს გახსნას ითხოვენ, რადგან ქალაქში არსებული ორი საავადმყოფო მორგებადაა ქცეული.

დერნას მერი აცხადებს, რომ ქალაქში დაღუპულთა რიცხვმა, შესაძლოა, 20 000-ს მიაღწიოს.

ლიბიის გაერო-ს მიერ აღიარებულ ეროვნული ერთიანობის მთავრობაში აცხადებენ, რომ ქვეყანაში დახმარება და სამაშველო ჯგუფები 12-მა ქვეყანამ გააგზავნა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024