ვლადიმერ პუტინი ალექსანდრე ლუკაშენკოს შეხვდება

ბელარუსის პრეზიდენტი, ალექსანდრე ლუკაშენკო რუსეთს ეწვევა, - ინფორმაციას ადგილობრივი მედია ავრცელებს.

მათივე ინფორმაციით, ვიზიტის ცენტრალური ნაწილი რუსეთის პრეზიდენტ ვლადიმერ პუტინთან მოლაპარაკებები იქნება, რომელიც 15 სექტემბერს გაიმართება.

მოლაპარაკებების მთავარი თემა საერთაშორისო დღის წესრიგი და რეგიონალური საკითხები იქნება.

საინფორმაციო სააგენტო „ბელტას“ ინფორმაციით, რუსეთისა და ბელარუსის პრეზიდენტები ასევე ეკონომიკის სექტორში არსებულ ერთობლივ ამოცანებსაც განიხილავენ, მათ შორის „იმპორტის ჩანაცვლების სფეროში ჩასატარებელ დიდ სამუშაოს“.