სამხრეთ კორეის პრეზიდენტის ადმინისტრაცია - გვაქვს ინფორმაცია, რომ ჩრდილოეთ კორეის მიერ მიწოდებულ იარაღს რუსეთი უკრაინაში იყენებს
სამხრეთ კორეამ დიდი ხანია იცის, რომ რუსეთი უკრაინასთან ომში ჩრდილოეთ კორეის მიერ მოწოდებულ იარაღს იყენებს, - ამის შესახებ სამხრეთ კორეის პრეზიდენტის ოფისის განცხადებაშია აღნიშნული.
„დიდი ხანია დავადასტურეთ, რომ ჩრდილოეთ კორეის მიერ მოწოდებულ იარაღს რუსეთი უკრაინის ბრძოლის ველზე იყენებდა,” - განაცხადა პრეზიდენტის ოფისის ოფიციალურმა წარმომადგენელმა, როდესაც მან უპასუხა შეკითხვას, მიაწოდა თუ არა ფხენიანმა მოსკოვს იარაღი.
ამასთან, მისი თქმით, ჯერ კიდევ ნაადრევია ჩრდილოეთ კორეის ლიდერის, კიმ ჩენ ინის რუსეთში ვიზიტის საბოლოო შეფასება, რადგან ჯერ კიდევ გრძელდება.
