ვლადიმერ პუტინი - რუსეთი საფრთხეს არავის არ უქმნის - ყველაზე დიდი საფრთხე აშშ-სგან მოდის, სადაც კაპიტოლიუმი თუ თეთრი სახლი მდებარეობს

რუსეთი საფრთხეს არავის უქმნის. თავად ამერიკელები ამბობენ, რომ ყველაზე დიდი საფრთხე თეთრი სახლიდან მოდის, თუმცა ისინი საფრთხეს გარეთ ეძებენ, - ამის შესახებ რუსეთის პრეზიდენტმა ვლადიმერ პუტინმა, ბელარუს კოლეგასთან, ალექსანდრე ლუკაშენკოსთან შეხვედრის შემდეგ განაცხადა.

„ჩვენ არავის ვუქმნით საფრთხეს. ყველაზე დიდი საფრთხე, რომელიც დღეს მსოფლიოში იქმნება, დღევანდელი მმართველი ელიტის მიერ არის შექმნილი და, სხვათა შორის, თავად საუბრობენ ამაზე. რამდენიმე წლის წინ, თავდაცვის ყოფილმა მდივანმა, ბატონმა გეითსმა თქვა, რომ ყველაზე დიდი საფრთხე თავად შეერთებული შტატებისთვის მოდის, იმ ტერიტორიიდან, სადაც კაპიტოლიუმი თუ თეთრი სახლი მდებარეობს. ისინი თავად საუბრობენ ამაზე, ეძებენ საფრთხეს გარეთ,“ – განაცხადა პუტინმა.

რუსეთის პრეზიდენტის მტკიცებით, ამერიკის შეერთებული შტატები უკრაინის არმიის ხელით კასეტურ ბომბებს იყენებს.

„სწორედ ამერიკის შეერთებული შტატები იყენებს კასეტურ საბრძოლო მასალას. ამ შემთხვევაში, უბრალოდ, უკრაინის არმიის ხელით და ეს მხარე თვლის, რომ ეს არის დანაშაული, მაგრამ საკუთარ თავს უფლებას აძლევს ეს გააკეთოს“, - აღნიშნა პუტინმა.

ამასთან, მისი მტკიცებით, რუსეთს არასოდეს უთქვამს უარი უკრაინასთან მოლაპარაკებებზე, მაგრამ მათი მხრიდან არაფერი ისმის.

„მე უკვე ვისაუბრე ამაზე, რუსეთს მოლაპარაკებებზე უარი არასდროს უთქვამს, ამიტომ გთხოვთ, თუ მეორე მხარეს სურს, ნება მიეცით გააკეთოს ეს, პირდაპირ თქვას. აი, მე ვამბობ, რომ მეორე მხარისგან არაფერი გვსმენია“, - განაცხადა პუტინმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024