ევროკომისიამ 5 ქვეყანაში უკრაინული მარცვლეულის იმპორტზე აკრძალვა არ გაახანგრძლივა, მაგრამ უკრაინისგან გარკვეული ზომების დაცვას ითხოვს

ევროკომისიამ 5 ქვეყანაში უკრაინული მარცვლეულის იმპორტზე აკრძალვა არ გაახანგრძლივა, მაგრამ უკრაინისგან გარკვეული ზომების დაცვას ითხოვს. ამის შესახებ ევროკომისიის ვებგვერდზე გამოქვეყნებულ განცხადებაშია ნათქვამი.

განცხადებაში აღნიშნულია, რომ საუბარია ევროკავშირის 5 წევრ ქვეყანაზე, რომლებიც უკრაინას ესაზღვრებიან ან გეოგრაფიულად ახლოს იმყოფებიან - პოლონეთი, უნგრეთი, რუმინეთი, სლოვაკეთი და ბულგარეთი.

„არსებულ ზომებს ვადა დღეს გასდის. უკრაინა დათანხმდა 30 დღის განმავლობაში ნებისმიერი სამართლებრივი ზომა მიიღოს (მათ შორის, მაგალითად, საექსპორტო ლიცენზირების სისტემა) მარცვლეულის მოზღვავებისთვის თავის ასარიდებლად.

მანამდე უკრაინამ 2023 წლის 16 სექტემბრიდან სურსათის 4 ჯგუფის ექსპორტის კონტროლზე ეფექტიანი ზომები უნდა მიიღოს, რათა მეზობელ წევრ ქვეყნებში ნებისმიერი საბაზრო ცვლილებები აღკვეთოს”, - ნათქვამია განცხადებაში.

ასევე აღნიშნულია, რომ ევროკომისია და უკრაინა ვითარების გააკონტროლებენ, რათა შესაძლებლობა ჰქონდეთ გაუთვალისწინებელ სიტუაციებზე მოახდინონ რეაგირება.

ევროკომისია აღნიშნავს, რომ რაიმე სახის შეზღუდვების დაწესებისგან შეიკავებს თავს იქამდე, ვიდრე უკრაინის მიერ მიღებული ზომები ძალაში იქნება და სრულიად იმუშავებს.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი