ფინეთი რუსეთში რეგისტრირებული ავტომობილების შესვლას კრძალავს

ფინეთი რუსეთში რეგისტრირებული ავტომობილების შესვლას კრძალავს. აღნიშნული გადაწყვეტილების შესახებ ფინეთის საგარეო საქმეთა მინისტრმა ელინა ვალტონენმა პრესკონფერენციაზე გამოაცხადა.

„ეს გადაწყვეტილება ნიშნავს იმას, რომ რუსული ნომრების მქონე ავტომობილების ფინეთის ტერიტორიაზე შესვლა აიკრძალება“, - აღნიშნა ვალტონენმა.

მისი თქმით, აკრძალვის გადაწყვეტილება ევროპელ პარტნიორებთან თანამშრომლობის შემდეგ მიიღეს.

შეგახსენებთ, რომ ევროკავშირმა წევრ სახელმწიფოებს მოუწოდა აეკრძალათ რუსების მიერ საკუთარი ავტომობილებით ევროკავშირის საზღვრებში შესვლა და პირადი საქონლის შეტანა, რაც რუსეთის წინააღმდეგ დაწესებული სანქციების გვერდის ავლის საშუალებას იძლეოდა. მიმდინარე კვირის დასაწყისში ესტონეთმა, ლატვიამ და ლიეტუვამ რუსეთში რეგისტრირებული ავტომობილებისთვის საზღვრები დახურეს.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი