საბერძნეთში კვლავ შტორმ „დანიელის“ შედეგებს ებრძვიან. ადგილობრივი მედიის ინფორმაციით, სტიქიის შედეგად 200 000-ზე მეტი ცხოველი დაიღუპა. შტორმმა ათობით ფერმა დააზარალა, სადაც ათასობით მსხვილფეხა პირუტყვი და ფრინველი ჰყავდათ.

საბერძნეთს შტორმმა „დანიელმა“ რამდენიმე დღის წინ გადაუარა. ძლიერ წვიმას ქვეყნის ზოგიერთ რაიონში წყალდიდობა მოჰყვა. ზოგიერთ სოფლებში სახლები თითქმის მთლიანად დაიტბორა. სტიქიურ უბედურებას სულ მცირე 15 ადამიანი ემსხვერპლა.