სევასტოპოლში რუსულ სადესანტო ხომალდსა და წყალქვეშა ნავზე უკრაინელების მიერ განხორციელებული თავდასხმის შემდეგ, რუსმა სამხედროებმა სამი დიდი სადესანტო ხომალდი  შავი ზღვიდან აზოვის ზღვაში გადაიყვანეს

სევასტოპოლში რუსული სამხედრო ფლოტის დიდ სადესანტო ხომალდსა და წყალქვეშა ნავზე უკრაინელების მიერ განხორციელებული თავდასხმისა და მათი დაზიანების შემდეგ, რუსმა სამხედროებმა სამი დიდი სადესანტო ხომალდი შავი ზღვიდან აზოვის ზღვაში გადაიყვანეს.

აღნიშნული განცხადება უკრაინის შეიარაღებული ძალების სამხედრო-საზღვაო ძალების სპიკერმა, დმიტრო პლეტენჩუკმა გააკეთა.

მისივე თქმით, უკრაინის ტერიტორიის გათავისუფლებასთან დაკავშირებული პროცესები შემდგომშიც გაგრძელდება.

„აღსანიშნავია ის ფაქტი, რომ დღეს რუსმა ოკუპანტებმა რატომღაც სამი დიდი სადესანტო ხომალდი შავი ზღვიდან აზოვის ზღვაში გადაიყვანეს. რაც შეეხება სევასტოპოლში დაზიანებულ დიდ სადესანტო ხომალდს, ის აღდგენას აღარ ექვემდებარება, როგორც დაზიანებების თავისებურებების გამო, ისე, მისი საკმაოდ დიდი ასაკის გამო, მისი რემონტი აზრს მოკლებულია და ძვირია", - განაცხადა პლეტენჩუკმა.

მან ასევე განაცხადა, რომ აღნიშნული სადესანტო ხომალდი „სირიის ექსპრესის“ მონაწილე იყო, ანუ მას შეიარაღება და პირადი შემადგენლობა გადაჰყავდა და რუსეთის ფედერაციის სირიის დაჯგუფების ლოგისტიკური პრობლემების გადაწყვეტა ევალებოდა.

რაც შეეხება წყალქვეშა ნავს, ამ ტიპის მცურავი საშუალება საბრძოლო მოქმედებების დროს რუსეთის ფედერაციამ პირველად დაკარგა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს