Forbes - რუსეთმა უკრაინის წინააღმდეგ ომში 167 მილიარდ დოლარზე მეტი დახარჯა

რუსეთმა უკრაინის წინააღმდეგ ომში, წელიწადნახევრის განმავლობაში, დაახლოებით 167.3 მილიარდი აშშ დოლარი დახარჯა, - ინფორმაციას Forbes-ი ავრცელებს.

გამოცემის ცნობით, აქედან 34 მილიარდ დოლარზე მეტი თავდაცვის ძალების მიერ განადგურებული ტექნიკის ღირებულებაა.

Forbes-ი წერს, რომ რუსეთი უკრაინის წინააღმდეგ ომში დღეში დაახლოებით 300 მილიონ აშშ დოლარს ხარჯავს.

გამოცემა განმარტავს, რომ ომის 18 თვის განმავლობაში (2022 წლის 24 თებერვლიდან 2023 წლის 24 აგვისტომდე), პირდაპირი სამხედრო ხარჯები და დაკარგული რუსული ტექნიკის ღირებულება დაახლოებით 167.3 მილიარდ დოლარს შეადგენს და ეს შეფასება არ მოიცავს მუდმივ თავდაცვის ხარჯებს, რომელიც არ არის დაკავშირებული სამხედრო მოქმედებებთან, ასევე რუსეთის ეკონომიკურ ზარალს.

სტატიაში აღნიშნულია, რომ ყველაზე დიდი ხარჯები მოიცავს: სამხედრო მოქმედებების უზრუნველყოფას (51.3 მილიარდი დოლარი), ხელფასებს (35.1 მილიარდი დოლარი), კომპენსაციას დაღუპულთა ოჯახებისთვის (25.6 მილიარდი დოლარი), დაჭრილებისთვის (21 მილიარდი დოლარი) და განადგურებული ტექნიკის ღირებულება (34 მილიარდი დოლარი).

Forbes-ი ასევე წერს, რომ რუსული რუბლის კურსის სწრაფი დაცემის შემდეგ, რუსეთის ფედერაციის ბიუჯეტში რუსი ჯარისკაცის „ფასი“ საგრძნობლად შემცირდა და თუ 2022 წელს ერთ მებრძოლზე მთლიანი ხარჯი დღეში დაახლოებით 200 აშშ დოლარს შეადგენდა, ახლა ეს თანხა დღეში, დაახლოებით, 120 აშშ დოლარია.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი