უკრაინის თავდაცვის მინისტრის ყველა მოადგილე, მათ შორის ანა მალიარი, თანამდებობიდან გაათავისუფლეს

უკრაინის მინისტრთა კაბინეტმა თავდაცვის მინისტრის ყველა მოადგილე თანამდებობიდან გაათავისუფლა, - ინფორმაციას უკრაინული მედია რადაში მინისტრთა კაბინეტის წარმომადგენელზე, ტარას მელნიჩუკზე დაყრდნობით ავრცელებს.

მათივე ინფორმაციით, თანამდებობიდან გაათავისუფლეს სამინისტროს სახელმწიფო მდივანიც.

თავდაცვის მინისტრის მოადგილის თანამდებობიდან გაათავისუფლეს: ვლადიმერ გავრილოვი, როსტისლავ ზამლინსკი, ანა მალიარი, დენის შარაპოვი. ასევე, თანამდებობიდან გაათავისუფლეს უკრაინის თავდაცვის მინისტრის მოადგილეს ევროპასთან ინტეგრაციის საკითხებში, ანდრეი შევჩენკო და მინისტრის მოადგილე ციფრული განვითარების, ციფრული ტრანსფორმაციისა და გაციფროვნების საკითხებში ვიტალი დეინეგა.

გარდა ამისა, მთავრობამ თანამდებობიდან გაათავისუფლა უკრაინის თავდაცვის სამინისტროს სახელმწიფო მდივანი კონსტანტინე ვაშჩენკო.

შეგახსენებთ, 5 სექტემბერს უკრაინის უმაღლესმა რადამ თავდაცვის ყოფილი მინისტრის, ოლექსი რეზნიკოვის გადადგომას მხარი დაუჭირა. კანონის მიხედვით, მინისტრის გადაყენების შემდეგ, თანამდებობებს ტოვებენ მისი მოადგილეებიც.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?