სუს-ში არ აკონკრეტებენ, დაიბარეს თუ არა გამოკითხვაზე ოთარ ფარცხალაძე

სახელმწიფო უსაფრთხოების სამსახურში არ აკონკრეტებენ, აშშ-ს მიერ მიერ დასანქცირებასთან დაკავშირებით დაწყებული მოკვლევის ფარგლებში, დაიბარეს თუ არა გამოკითხვაზე საქართველოს ყოფილი გენერალური პროკურორი ოთარ ფარცხალაძე. უცნობია ისიც, იმყოფება თუ არა ფარცხალაძე საქართველოში.

შესაბამის საკითხზე „ინტერპრესნიუსმა“ სუს-ს მიმართა, თუმცა, სააგენტოს უწყებაში მხოლოდ ის განუცხადეს, რომ „საქმის შესწავლა მიმდინარეობს“.

ცნობისთვის, აშშ-მა საქართველოს ყოფილ გენერალურ პროკურორს ოთარ-ფარცხალაძეს სანქციები დაუწესა. აშშ-ის სახაზინო დეპარტამენტის უცხოური აქტივების კონტროლის ოფისის ინფორმაციით, ახალი სასანქციო პაკეტის ფარგლებში სანქციები კიდევ 24 ინდივიდზე გავრცელდა, რომელთა შორისაა ოთარ ფარცხალაძე. აშშ-ის სახელმწიფო დეპარტამენტი ოთარ ფარცხალაძეს ქართველ-რუს ოლიგარქად მოიხსენიებს, რომელთანაც რუსეთის უშიშროების ფედერალური სამსახური (“ეფესბე”) მუშაობდა, რათა რუსეთის სასარგებლოდ ქართულ საზოგადოებასა და პოლიტიკაზე გავლენა მოეხდინა.

თავის მხრივ, სახელმწიფო უსაფრთხოების სამსახურმა ამერიკის შეერთებული შტატების მიერ საქართველოს ყოფილი გენერალური პროკურორის, ოთარ ფარცხალაძის დასანქცირების საკითხის შესწავლა დაიწყო.

გურამ იმნაძე - ქვეყანას სხვა ტიპის ნარკოპოლიტიკა სჭირდება - მხოლოდ დასჯა, მხოლოდ საპოლიციო მიდგომები ცალსახად არასაკმარისია ამ პრობლემასთან საბრძოლველად
ირაკლი მელაშვილი  -  თუ ოპოზიციამ ასე გააგრძელა, 2024 წლის არჩევნებზე „ქართულმა ოცნებამ“ პარლამენტში შეიძლება უფრო მეტი მანდატი მიიღოს, ვიდრე ახლა აქვს
ქართული პრესის მიმოხილვა 28.09.2023
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა