ჩინეთმა გერმანიას საპროტესტო ნოტა გაუგზავნა

ჩინეთის ხელისუფლებამ გერმანიის მთავრობას საპროტესტო ნოტა გაუგზავნა. ინფორმაციას Reuters-ი ავრცელებს.

პროტესტი გერმანიის საგარეო საქმეთა მინისტრის, ანალენა ბერბოკის ტელეარხ Fox News-ისთვის მიცემულ ინტერვიუს უკავშირდება, რომელშიც ბერბოკმა უკრაინაში ომის კომენტირებისას განაცხადა: „თუ პუტინი ამ ომს მოიგებდა, რა ნიშანი იქნებოდა ეს? რა ნიშანი იქნება ეს მსოფლიოს სხვა დიქტატორებისთვის, როგორიც არის სი, ჩინეთის თავმჯდომარე?“.

ჩინეთის საგარეო უწყების ოფიციალური წარმომადგენლის, მაო ნინის განცხადებით, ეს "აბსოლუტური აბსურდია".

"ეს ღია პოლიტიკური პროვოკაციაა. აღნიშნული სიტყვები ჩინეთის პოლიტიკურ პრესტიჟს სერიოზულად აზიანებს. პეკინმა შესაბამისი დიპლომატიური არხებით ბერლინს საპროტესტო ნოტა უკვე გაუგზავნა“, - განაცხადა მაო ნინმა.

Reuters-ის ინფორმაციით, რამდენიმე თვით ადრე ანალენა ბერბოკმა განაცხადა, რომ „პეკინი უფრო სისტემური მოწინააღმდეგე ხდება, ვიდრე სავაჭრო პარტნიორი“.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად