ვლადიმერ პუტინი - რუსული ეკონომიკის აღდგენის ეტაპი დასრულებულია

რუსეთის პრეზიდენტის, ვლადიმერ პუტინის განცხადებით, მიმდინარე წელს რუსეთის შიდა მთლიანი პროდუქტის ზრდა 2021 წლის დონეს დაუბრუნდა და თავდაპირველ პროგნოზებს გადააჭარბა.

ინფორმაციას „კომერსანტი“ ავრცელებს.

გამოცემა აღნიშნავს, რომ განცხადება უკრაინაში შეჭრის გამო რუსეთის წინააღმდეგ დაწესებული მასობრივი სანქციებისა და რუსული რუბლის გაუფასურების ფონზე გაკეთდა.

პუტინის თქმით, ივლის-აგვისტოში ასევე აღდგა რუსეთის ბიუჯეტის ნავთობ-გაზის მოპოვებიდან და გაყიდვიდან მიღებული შემოსავალი.

„შიდა მთლიანი პროდუქტის ზრდას 1,2%-ის დონეზე ვვარაუდობდით, მაგრამ ფაქტობრივად, მიმდინარე წლის ბოლომდე ეს მაჩვენებელი 2,5%-ის დონეზე შეიძლება გავიდეს, ან მეტი – 2,8%-ის. რუსული ეკონომიკის აღდგენის ეტაპი დასრულებულია, ჩვენ უპრეცედენტო გარე გავლენასა და ე. წ. არამეგობრული ქვეყნების მმართველი ელიტების სასანქციო შეტევას გავუძელით", — განაცხადა რუსეთის პრეზიდენტმა.

ამასთან, მან რუბლის გაუფასურებაზე გაამახვილა ყურადღება და აღნიშნა, რომ ძირითად პრობლემას ინფლაციის დაჩქარება წარმოადგენს, რომლის მთავარ ფაქტორს რუსული ვალუტის გაუფასურება წარმოადგენს.

გურამ იმნაძე - ქვეყანას სხვა ტიპის ნარკოპოლიტიკა სჭირდება - მხოლოდ დასჯა, მხოლოდ საპოლიციო მიდგომები ცალსახად არასაკმარისია ამ პრობლემასთან საბრძოლველად
ირაკლი მელაშვილი  -  თუ ოპოზიციამ ასე გააგრძელა, 2024 წლის არჩევნებზე „ქართულმა ოცნებამ“ პარლამენტში შეიძლება უფრო მეტი მანდატი მიიღოს, ვიდრე ახლა აქვს
ქართული პრესის მიმოხილვა 27.09.2023
ვანო ჩხარტიშვილი - მამუკა ხაზარაძისა  და ბადრი ჯაფარიძის მიმართ, რომლებიც „ლელოს“  უნიჭო კამპანიის უკან დგანან, ჩვენი მხრიდან სამართლებრივი რეაგირება იქნება
„დანკინის“ ბარისტათა საერთაშორისო კონკურსზე საუკეთესო ყავის მომზადებისთვის ქართველი ბარისტა დააჯილდოვეს
კომპანია „ავერსი“ ფარმაცევტებს პროფესიულ დღეს ელოცავს