უკრაინის სახმელეთო ძალების მეთაურის განცხადებით, უკრაინულმა ჯარმა ბახმუტთან რუსული თავდაცვა გაარღვია

უკრაინის სახმელეთო ძალების მეთაურის, გენერალ-პოლკოვნიკის ოლექსანდრ სირსკის განცხადებით, უკრაინულმა ჯარმა ბახმუტთან რუსული თავდაცვა გაარღვია.

ინფორმაციას ოფიციალური ტელეგრამ-არხი Military Media Center-ი ავრცელებს.

სირსკის თქმით, ანდრეევკასა და კლეშეევკაზე ბრძოლების დროს რუსულმა არმიამ სამი ბრიგადა დაკარგა.

„წინა კვირას დასახლებული პუნქტების, ანდრეევკასა და კლეშეევკას, დაკარგვის შემდეგ, მოწინააღმდეგე სხვადასხვა მიმართულებებით მრავალრიცხოვან კონტრიერიშებს ახორციელებს და წარუმატებლად დაკარგული პოზიციების დაბრუნებას ცდილობს. პირველი შეხედვით, ეს პატარა დასახლებული პუნქტებია, მაგრამ ისინი რუსული თავდაცვის მნიშვნელოვანი ელემენტები იყო და ბახმუტიდან გორლოვკამდე გადიოდა“, - აღნიშნა უკრაინის სახმელეთო ძალების მეთაურმა.

მისივე განცხადებით, ბრძოლების დროს სრულიად განადგურებულია და საბრძოლო უნარიანობის დაკარგულად შეიძლება ჩაითვალოს რუსული ჯარის ერთი-ერთი ყველაზე მომზადებული და საუკეთესო ნაწილები 72-ე მოტომსროლელი ბრიგადა, 31-ე და 83-ე სადესანტო-მოიერიშე ბრიგადები.

აღსანიშნავია, რომ რუსეთის თავდაცვის სამინისტრო დღესაც აცხადებდა, რომ უკრაინული ჯარის შეტევები კლეშეევკაზე მოგერიებულია.

გიორგი სანიკიძე - რუსეთში დღეს იმდენად დიდია დაბნეულობა, იმდენადაა იგი გარიყული საერთაშორისო ასპარეზიდან და დასუსტებულია, არა მგონია მას სამხრეთ კავკასიაში მიზანმიმართული პოლიტიკის განხორციელების უნარი ჰქონდეს
ლელა ჯანაშვილი - „პერსონალურ მონაცემთა დაცვის შესახებ“ ახალი კანონი მნიშვნელოვანია კანონმდებლობის ევროპულ სტანდარტებთან დაახლოებისთვის - ის არსებითად გააუმჯობესებს პერსონალურ მონაცემთა დამუშავების პროცესსა და ზედამხედველობას
ქართული პრესის მიმოხილვა 02.10.2023
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა