მამუკა მდინარაძე „ნაციონალურ მოძრაობაზე“ - სისხლიანი წარსული არ აქვთ თუ რატომ არ იკადრებენ ამ ყველაფერს? -  წარსულიც სისხლიანი აქვთ, მომავლის გეგმებიც სისხლიანი აქვთ, სამწუხაროდ, და არ უნდა გავუტაროთ არცერთ შემთხვევაში

ცოტა სერიოზულად უნდა მივუდგეთ ამ საკითხს. მკადრებლებიც არიან და მტკიცებულებებიც ამას გვეუბნება წარსულიდან, რომ ეს ადამიანები ყველაფრისთვის არიან მზად, - ამის შესახებ „ქართული ოცნების“ აღმასრულებელმა მდივანმა მამუკა მდინარაძემ სუს-ის მიერ დღეს გავრცელებულ ინფორმაციასთან დაკავშირებით განაცხადა.

როგორც მდინარაძემ აღნიშნა, „ნაციონალური მოძრაობა“ ერთადერთ გამოსავალს ხედავს, რომ საქართველოს არ მიენიჭოს კანდიდატის სტატუსი.

მისივე თქმით, სხვა შემთხვევაში მათი ყველა გეგმა არის ჩამოშლილი.

„რაც უფრო სუსტდებიან ისინი (ნაციონალური მოძრაობა), ეს რისკები მით უფრო იზრდება. რომ ნახავენ რომ სხვა შანსი არ აქვთ, არც არჩევნებით, არც სხვა ლეგიტიმური გზით, მერე იკადრებენ უკადრებელს იმიტომ, რომ სხვა გამოსავალი მათ არ ესახებათ. ერთადერთ გამოსავალს ხედავენ სუბიექტურ, არასამართლიან გადაწყვეტილებაში, რომ საქართველოს არ მიენიჭოს კანდიდატის სტატუსი. სხვა შემთხვევაში, მათი ყველა გეგმა არის ჩამოშლილი. სისხლიანი წარსული არ აქვთ თუ რატომ არ იკადრებენ ამ ყველაფერს? წარსულიც სისხლიანი აქვთ და მომავლის გეგმებიც სისხლიანი აქვთ, სამწუხაროდ, და ეს არ უნდა გავუტაროთ არცერთ შემთხვევაში“, - განაცხადა მამუკა მდინარაძემ.

გიორგი სანიკიძე - რუსეთში დღეს იმდენად დიდია დაბნეულობა, იმდენადაა იგი გარიყული საერთაშორისო ასპარეზიდან და დასუსტებულია, არა მგონია მას სამხრეთ კავკასიაში მიზანმიმართული პოლიტიკის განხორციელების უნარი ჰქონდეს
ლელა ჯანაშვილი - „პერსონალურ მონაცემთა დაცვის შესახებ“ ახალი კანონი მნიშვნელოვანია კანონმდებლობის ევროპულ სტანდარტებთან დაახლოებისთვის - ის არსებითად გააუმჯობესებს პერსონალურ მონაცემთა დამუშავების პროცესსა და ზედამხედველობას
ქართული პრესის მიმოხილვა 02.10.2023
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა