ჯო ბაიდენი ირანის ციხიდან აშშ-ის 5 მოქალაქის გათავისუფლებაზე - ხუთი უდანაშაულო ამერიკელი საბოლოოდ ბრუნდება სახლში

ირანში რამდენიმეწლიანი პატიმრობიდან გათავისუფლებული ამერიკის ხუთი მოქალაქე აშშ-ში ბრუნდება, - ინფორმაციას CNN-ი ავრცელებს.

აღნიშნული მოქალაქეები, რომლებსაც აშშ უკანონო პატიმრებად თვლიდა, უფრო ფართო შეთანხმების ფარგლებში გაათავისუფლეს, რომელიც აშშ-ის მიერ ირანის კუთვნილი 6 მილიარდი დოლარის ღირებულების აქტივებს განბლოკვას ითვალისწინებს.

აშშ-ის მოქალაქეების გათავისუფლებას პრეზიდენტი ჯო ბაიდენი გამოეხმაურა და განაცხადა, რომ ისინი წლების განმავლობაში იტანდნენ "ტანჯვასა და გაურკვევლობას".„ირანში დაპატიმრებული ხუთი უდანაშაულო ამერიკელი საბოლოოდ ბრუნდება სახლში“, - აცხადებს ბაიდენი.

CNN-ი იუწყება, რომ აშშ-ის ხუთი მოქალაქის გათავისუფლება წარმოადგენს მნიშვნელოვან დიპლომატიურ მიღწევას აშშ-სა და ირანს შორის წლების განმავლობაში რთული არაპირდაპირი მოლაპარაკებების შემდეგ, რომლებსაც ოფიციალური დიპლომატიური კავშირები არ აქვთ. ბაიდენის ადმინისტრაციის მაღალჩინოსნის განაცხადებით, შეთანხმება აშშ-ის ირანთან ურთიერთობას არ ცვლის და რომ შეერთებული შტატები კვლავ განაგრძობს მუშაობას ირანისთვის ადამიანის უფლებების დარღვევისთვის პასუხისმგებლობის დაკისრების მიზნით და ასევე მისი ბირთვული პროგრამის შეზღუდვის მიზნით.

გურამ იმნაძე - ქვეყანას სხვა ტიპის ნარკოპოლიტიკა სჭირდება - მხოლოდ დასჯა, მხოლოდ საპოლიციო მიდგომები ცალსახად არასაკმარისია ამ პრობლემასთან საბრძოლველად
ირაკლი მელაშვილი  -  თუ ოპოზიციამ ასე გააგრძელა, 2024 წლის არჩევნებზე „ქართულმა ოცნებამ“ პარლამენტში შეიძლება უფრო მეტი მანდატი მიიღოს, ვიდრე ახლა აქვს
ქართული პრესის მიმოხილვა 27.09.2023
ვანო ჩხარტიშვილი - მამუკა ხაზარაძისა  და ბადრი ჯაფარიძის მიმართ, რომლებიც „ლელოს“  უნიჭო კამპანიის უკან დგანან, ჩვენი მხრიდან სამართლებრივი რეაგირება იქნება
„დანკინის“ ბარისტათა საერთაშორისო კონკურსზე საუკეთესო ყავის მომზადებისთვის ქართველი ბარისტა დააჯილდოვეს
კომპანია „ავერსი“ ფარმაცევტებს პროფესიულ დღეს ელოცავს