ბულგარეთის თავდაცვის მინისტრი - დიახ, არსებობს რისკები ბულგარეთისთვის! - ჩვენი ქვეყნის ტერიტორიაზე აღმოჩენილი დრონი უკრაინაში მიმდინარე ომს უკავშირდება

ბულგარეთის თავდაცვის მინისტრი, თოდორ თაგარევი შავიზღვისპირეთის ქალაქ ტიულენოვოში აღმოჩენილ დრონს, რომელსაც ასაფეთქებელი ნივთიერება ჰქონდა მიმაგრებული, უკრაინაში მიმდინარე ომს უკავშირებს.

მისი თქმით, ზუსტად შეიძლება ვივარაუდოთ, რომ აღმოჩენილი დრონი უკავშირდება ომს, რომელსაც რუსეთი უკრაინის წინააღმდეგ აწარმოებს.

„ჩვენ არ გვაქვს საფუძველი ვიფიქროთ, რომ ეს ომი ჩვენ როგორღაც გვერდს აგვივლის. დიახ, არსებობს რისკები ბულგარეთისთვის!" - აღნიშნა ბულგარეთის თავდაცვის უწყების ხელმძღვანელმა.

მისივე განმარტებით, ეს ერთადერთი შემთხვევა არაა და რომ გრძელდება გამოძიება იმის შესახებ, თუ როგორ მოხვდა დრონი ბულგარეთში.

შეგახსენებთ, გუშინ ცნობილი გახდა, რომ ბულგარეთის ქალაქ ტიულენოვოში დრონი აღმოაჩინეს, რომელზეც ასაფეთქებელი ნივთიერება იყო მიმაგრებული. თავდაცვის სამინისტრომ საფრენი აპარატის შესამოწმებლად და გასანეიტრალებლად სპეციალური დანაყოფი გაგზავნა.

გურამ იმნაძე - ქვეყანას სხვა ტიპის ნარკოპოლიტიკა სჭირდება - მხოლოდ დასჯა, მხოლოდ საპოლიციო მიდგომები ცალსახად არასაკმარისია ამ პრობლემასთან საბრძოლველად
ირაკლი მელაშვილი  -  თუ ოპოზიციამ ასე გააგრძელა, 2024 წლის არჩევნებზე „ქართულმა ოცნებამ“ პარლამენტში შეიძლება უფრო მეტი მანდატი მიიღოს, ვიდრე ახლა აქვს
ქართული პრესის მიმოხილვა 28.09.2023
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა