ლვოვზე განხორციელებული თავდასხმის შედეგად ჰუმანიტარული დახმარების სამი საწყობი განადგურდა და ერთი ადამიანი დაიღუპა

რუსული ძალების მიერ დღეს დილით ლვოვზე განხორციელებული თავდასხმის შედეგად ჰუმანიტარული დახმარების სამი საწყობი განადგურდა და ერთი ადამიანი დაიღუპა, - ინფორმაციას უკრაინული მედია ლვოვის მერზე, ანდრეი სადოვიზე დაყრდნობით ავრცელებს.

მისი თქმით, მაშველები დილის თავდასხმის შედეგების ლიკვიდაციას სამი საათის განმავლობაში ახორციელებენ.

„განადგურდა სამი საწყობი. საერთო ჯამში, ხანძარი ფართობი დაახლოებით 10 ათასი კვადრატული მეტრია“, - განაცხადა სადოვიმ.

მისი თქმით, თავდასხმის შედეგები უკიდურესად რთულია. შენობაში საქველმოქმედო მისია CARITAS-SPES-ი ჰუმანიტარულ დახმარებას ინახავდა და წინა დღით ჰუმანიტარული დახმარების დიდი პარტია მიიღეს, მათ შორის გენერატორები და თბილი ტანსაცმელი, რომელიც სხვა ოლქებში უნდა გაეგზავნათ.

„ახლა ყველაფერი იწვის. ყველა დაბნეულია, რადგან ზარალი მილიონებს ა ათობით მილიონს აჭარბებს. არის ერთ-ერთი ყველაზე დიდი ხანძარი. ნგრევისა და მატერიალური ღირებულების თვალსაზრისით“, - აღნიშნა ლვოვის მერმა.

მისი თქმით, ნანგრევების ქვეშ მამაკაცის ცხედარი იპოვეს, რომელიც ერთ-ერთ საწყობში მუშაობდა. დაშავდა კიდევ ერთი ახალგაზრდა, რომელიც საავადმყოფოში გადაიყვანეს.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 21.09.2023
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი