ვიღაცას თუ ჰგონია, რომ ამ ხელისუფლების რევოლუციურად, სისხლიანად გადაგდების შემდეგ პერსპექტივა ექნება, რომ მოვიდეს ხელისუფლებაში და ქვეყანა ევროკავშირში შეიყვანოს და ააყვავოს, ძალიან ცდება, - ყველა ასეთი უბედურება მთავრდება ქვეყნის კიდევ უფრო გაჩანაგებით და ტერიტორიების დაკარგვით. ამას ჩვენ არ დავუშვებთ, ქართველი ხალხი არ დაუშვებს ამას“,- ამის შესახებ საპარლამენტო უმრავლესობის წევრმა ირაკლი ქადაგიშვილმა პარლამენტის პლენარულ სხდომაზე განაცხადა.
მისი შეფასებით, ის, რასაც აკეთებს ოპოზიცია, ქვეყნისთვის დამღუპველია და ეს ყველამ კარგად უნდა გაიაზროს.
„იგივე უკრაინელი მაღალჩინოსნების განცხადება, რომ არავითარ შემთხვევაში საქართველოს ევროპერსპექტივა და კანდიდატობა არ უნდა მიენიჭოს, ევროპარლამენტის გარკვეული წევრების, ცნობილი კუბილიუსების განცხადება, რომ ქართველმა ხალხმა ხელისუფლება უნდა შეცვალოს, ეს ყველაფერი ხომ ხელისგულზე დევს“, - განაცხადა ირაკლი ქადაგიშვილმა.
მისივე შეფასებით, ასეთ ვითარებაში ძალიან კარგია, როდესაც უსაფრთხოების სამსახური ამბობს, რომ ამ საკითხებთან, პრევენციასთან დაკავშირებით მაქსიმალურად ითანამშრომლებს ჩვენს სტრატეგიულ პარტნიორებთან და სხვა პარტნიორ ქვეყნებთან, რათა არ დარჩეს არავის ასე ვთქვათ, ფარული მანევრის საშუალება.
„ყველა ინფორმაცია უნდა გავუზიაროთ სწორედ ჩვენს პარტნიორებს და ვთხოვოთ მათ, რომ მაქსიმალურად იყვნენ ჩართულები, ვინაიდან ეს ანტისახელმწიფოებრივი ქმედებები, რომლებიც ორკესტრირებულად მიმართულია საქართველოს წინააღმდეგ, მიმართულა საქართველოს პერსპექტივის წინააღმდეგაც“, - განაცხადა ქადაგიშვილმა.
