გივი მიქანაძე - ხელისუფლება დგამს შემხვედრ ნაბიჯებს იმისთვის, რომ სწავლა-განათლების მიღება ყველასთვის იყოს შესაძლებელი და ამ კუთხით იღებს მართლაც უპრეცედენტო გადაწყვეტილებას

განათლებისა და მეცნიერების კომიტეტის თავმჯდომარის, გივი მიქანაძის განცხადებით, ხელისუფლება თითოეული ახალგაზრდისთვის განათლების ხელმისაწვდომობის უზრუნველყოფაზე ზრუნავს. აღნიშნულის შეახებ მან პარლამენტის პლენარულ სხდომაზე განაცხადა, როდესაც ისაუბრა სტატუსჩერებული სტუდენტებისთვის ფინანსური ვალდებულებეის მოხსნაზე.

„პრემიერ-მინისტრის უშუალო გადაწყვეტილებით, 30 ათასამდე სტუდენტს, რომელსაც სტატუსი აქვს შეჩერებული ფინანსური ვალდებულებების ვერ დაფარვის გამო, ეს ვალდებულებები გაუნულდება, მიუხედავად იმისა, თუ რომელ უნივერსიტეტში სწავლობს, საჯარო იქნება ეს თუ კერძო უნივერსიტეტი. დაახლოებით, საუბარია 40 მილიონი ლარის ჩამოწერაზე სახელმწიფოს მხრიდან, რაც არის კიდევ ერთი დამადასტურებელი ფაქტი იმისა, რომ ხელისუფლება ზრუნავს თითოეული ახალგაზრდისთვის განათლების ხელმისაწვდომობის უზრუნველყოფაზე და ხელისუფლება დგამს შემხვედრ ნაბიჯებს იმისთვის, რომ ყველასთვის სწავლა-განათლების მიღება იყოს შესაძლებელი და ამ კუთხით იღებს მართლაც უპრეცედენტო გადაწყვეტილებას“, - განაცხადა გივი მიქანაძემ.

როგორც მან აღნიშნა, პრემიერ-მინისტრის გადაწყვეტილებით, 2023-2024 სასწავლო წლიდან სტიპენდიები, რომელიც 150 ლარს შეადგენდა წარჩინებული სტუდენტებისთვის, გაორმაგდება და 300 ლარი იქნება.

„ამასთანავე, თუკი აქამდე ფიქსირდებოდა, რომ ეს სტიპენდიები, საშუალოდ, 2500-მდე სტუდენტს ეხებოდა წლის განმავლობაში, ახლა ჩვენ გვაქვს მოცემულობა, რომ დაახლოებით 5 ათასამდე ახალგაზრდა მიიღებს სტიპენდიას, რაც ასევე მნიშვნელოვანი წახალისებაა სწავლის გაუმჯობესების მიზნით“, - განაცხადა გივი მიქანაძემ.

კომიტეტის თავმჯდომარის განცხადებით, მიმდინარე წლიდან, 27 ოქტომბერს, იაკობ გოგებაშვილის დაბადების დღეს, ყოველწლიურად აღინიშნება დამსახურებულ პედაგოგთა დღე და გამორჩეული პედაგოგები მიიღებენ შესაბამის სამკერდე ნიშნებს და 10 ათას ლარიან ჯილდოს იმ საქმიანობისთვის, რომელსაც ისინი ეწევიან მომავალი თაობების აღზრდის მიზნით.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს