ვოლოდიმირ ზელენსკი - ბოროტების ნდობა არ შეიძლება - ჰკითხეთ პრიგოჟინს

უკრაინის პრეზიდენტის, ვოლოდიმირ ზელენსკის განცხადებით, იცის, რომ რუსეთთან კულისებში ჩრდილოვანი გარიგებების დადების მცდელობები მიმდინარეობს, მაგრამ ბოროტების ნდობა არ შეიძლება.

"ჩემთვის ცნობილია კულისებში მიმდინარე მცდელობები რაღაც ჩრდილოვანი გარიგებების დადების შესახებ. ბოროტების ნდობა არ შეიძლება - ჰკითხეთ პრიგოჟინს, დადებს თუ არა ვინმე ფსონს პუტინის დაპირებებზე. გთხოვ მომისმინეთ, დაე, ერთობამ ღიად გადაწყვიტოს ყველაფერი", - განაცხადა ზელენსკიმ გაერო-ს გენერალურ ასამბლეაზე სიტყვით გამოსვლისას.

მისი თქმით, აუცილებელია, რომ უკრაინიდან იძულებით წასული ადამიანები თავიანთ სახლებს დაუბრუნდნენ, ოკუპანტები კი თავიანთ ტერიტორიაზე დაბრუნდნენ.

"მაშინ, როცა რუსეთი მსოფლიოს უბიძგებს ომისკენ, უკრაინა ყველაფერს აკეთებს იმისათვის, რომ რუსული აგრესიის შემდეგ მსოფლიოში ვერავინ გაბედოს რომელიმე ერზე თავდასხმა. შეიარაღება უნდა შეიზღუდოს, ომის დანაშაულები უნდა დაისაჯოს. დეპორტირებული ხალხი სახლში უნდა დაბრუნდეს. ოკუპანტი კი საკუთარ მიწაზე უნდა დაბრუნდეს. ჩვენ უნდა ვიყოთ ერთიანები, რომ მივაღწიოთ ამას. და ჩვენ ამას გავაკეთებთ", - აღნიშნა ზელენსკიმ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი