შეერთებული შტატები სრულად უჭერს მხარს სომხეთის სუვერენიტეტს, დამოუკიდებლობას და ტერიტორიულ მთლიანობას, - აშშ-ის სახელმწიფო დეპარტამენტის ინფორმაციით, ამის შესახებ სახელმწიფო მდივანმა, ენტონი ბლინკენმა სომხეთის პრემიერ-მინისტრ ნიკოლ ფაშინიანთან სატელეფონო საუბრის დროს განაცხადა.
მათივე ცნობით, შეერთებული შტატები მოუწოდებს აზერბაიჯანს დაუყოვნებლივ შეწყვიტოს საომარი მოქმედებები და დიალოგს დაუბრუნდეს.
"სახელმწიფო მდივანი ენტონი ბლინკენი სომხეთის პრემიერ-მინისტრ ნიკოლ ფაშინიანს მთიან ყარაბაღში აზერბაიჯანის სამხედრო მოქმედებების შესახებ ესაუბრა. სახელმწიფო მდივანმა გამოხატა შეერთებული შტატების ღრმა შეშფოთება მთიან ყარაბაღში შექმნილი ვითარების გამო და ხაზი გაუსვა, რომ შეერთებული შტატები მოუწოდებს აზერბაიჯანს დაუყოვნებლივ შეწყვიტოს საომარი მოქმედებები და დაუყო.ვნებლივ დაუბრუნდეს დიალოგს. მან პრემიერ ფაშინიანს განუცხადა, რომ შეერთებული შტატები სრულად უჭერს მხარს სომხეთის სუვერენიტეტს, დამოუკიდებლობას და ტერიტორიულ მთლიანობას", - აღნიშნულია სახელმწიფო დეპარტამენტის ინფორმაციაში.