სომხეთის პოლიციამ საპროტესტო აქციაზე 16 ადამიანი დააკავა

სომხეთის მინისტრთა კაბინეტის შენობასთან და ერევანში, რუსეთის საელჩოსთან გუშინ გამართულ საპროტესტო აქციებზე 16 ადამიანი დააკავეს, - ინფორმაციას „რია ნოვოსტი“ სომხეთის პოლიციის პრესსამსახურზე დაყრდნობით ავრცელებს.

„თერთმეტი ადამიანი დააკავეს სომხეთის მთავრობის შენობასთან, კიდევ ხუთი კი ერევანში, რუსეთის საელჩოსთან“, - აცხადებენ სომხეთის პოლიციაში.

შეგახსენებთ, სამშაბათს, ყარაბაღში შექმნილი ვითარების ფონზე, სომხეთის მთავრობის შენობასთან, პრემიერ-მინისტრ ნიკოლ ფაშინიანის გადადგომის მოთხოვნით საპროტესტო აქცია გაიმართა. აქციის მონაწილეები შენობაში შეჭრას და პოლიციის კორდონის გარღვევას ცდილობდნენ. სამართალდამცავებმა აქციის მონაწილეების შეკავება მოახერხეს. სომხეთის ჯანდაცვის სამინისტროს ინფორმაციით, აქციის მონაწილეებსა და პოლიციას შორის შეტაკების შედეგად 34 ადამიანი დაშავდა, მათგან 16 პოლიციელი და 18 მშვიდობიანი მოქალაქე. ამასთან, დემონსტრანტების ნაწილმა ერევანში რუსეთის საელჩოს შენობის ბლოკირება განახორციელა, რის გამოც, დიპლომატებმა სომხეთის საგარეო საქმეთა სამინისტროს ნოტა გაუგზავნეს და მისიის ნორმალური ფუნქციონირების აღდგენის უზრუნველყოფა მოითხოვეს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024