მამუკა მდინარაძე - დღეს დაიწყეს ადუღება - ფარცხალაძის თემა გარკვეული გავლენებით გადმოგდებული საკითხია, რათა დღის წესრიგი შექმნილიყო და მკვდარი ოპოზიცია გაეცოცხლებინათ

არაფერი ახალი არ იყო, რაც არ მომხდარა და რაც არ უცდიათ. დღეს დაიწყეს ადუღება - ფარცხალაძის თემა მკვდარი ოპოზიციისთვის გარკვეული გავლენებით არის გადმოგდებული თემა, რათა დღის წესრიგი შექმნილიყო და მკვდარი ოპოზიცია გაეცოცხლებინათ, - ამის შესახებ „ქართული ოცნების“ თავმჯდომარემ, მამუკა მდინარაძემ ჟურნალისტებს განუცხადა.

მისივე თქმით, აშშ-მ და სახელმწიფო დეპარტამენტმა ფარცხალაძე ძალიან დიდი და გავლენიანი ჯგუფის შეკვეთით და მეშვეობით დაასანქცირა.

„არაფერი ახალი არ იყო, რაც არ მომხდარა და რაც არ უცდიათ. დღეს დაიწყეს ადუღება, უკვე ამის მზადება, ორი დღე ვერ მოითმინეს, თან ეშინოდათ თეა წულუკიანთან პოლემიკაში შესვლის. არავინ დაიჯეროს, რომ ეს იყო სპონტანური. გაშლილი, ამაზრზენი პლაკატი, გარეთ ჩხუბში, რომ შეიტყუებენ დეპუტატებს, მეორე ნაწილი, ქალები, რომ გარბიან და ტრაფარეტებს და დროშებს შლიან. ეს ხომ შემთხვევითი არ არის, ეს ხომ გამზადებული იყო, ეს ხომ ამ დღისთვის იყო დაბეჭდილი? ეს ყველაფერი მიზანმიმართულად, დაგეგმილად ხდება და დაიწყო დუღილი, დუღილის მცდელობა საქართველოსთვის დამაზიანებელი და ამაზრზენი მესიჯით, რომ აქ რუსები არიან და რუსები მართავენ საქართველოს. ფარცხალაძის თემა გარკვეული გავლენებით არის გადმოგდებული, აბსოლუტურად მკვდარი ოპოზიციისთვის, რომ დღის წესრიგი შექმნილიყო და მკვდარი ოპოზიცია გაეცოცხლებინათ. რომ არა ეს თემა და დასანქცირება, ამ დღეებში რაზე უნდა ესაუბრათ? დასანქცირება, ვიღაცების შემოსვლა პლაკატებით, მერე ჩხუბის ატეხა, ეს ყველაფერი არის დაგეგმილი, მიზანმიმართული პროვოკაცია და ძალიან საშიში, რატომ? ნახეთ, როგორ აპარებენ მესიჯებს, ვაშაძემ როგორ შემოაპარა იარაღის მესიჯი, მან ახსენა ხომ, ესეც ხომ არ მოგვეჩვენა? იარაღი ახსენა? შემოაპარა თემა? დიახ, ნამდვილად დაასანქცირა ფარცხალაძე აშშ-ის სახელმწიფო დეპარტამენტმა, როგორც ჩანს, ძალიან დიდი და გავლენიანი ჯგუფის შეკვეთით და მეშვეობით. ჩვენი მეგობარი სტრატეგიული პარტნიორი ქვეყანაც კი, სახელმწიფო დეპარტამენტი, ამ სქემაში უნებლიედ გამოიყენეს და გავლენიანმა ჯგუფებმა, გარკვეულწილად, ეს უზრუნველყვეს. იარაღის მესიჯის შემოპარებაც ვაშაძის მხრიდან შემთხვევითი არ არის. ახლა ტესტავენ ამ მესიჯებს“, - განაცხადა მამუკა მდინარაძემ.

ხათუნა ლაგაზიძე - მიუნხენის კონფერენციამ აჩვენა, რომ დასავლეთი საკუთარი ახალი „მე“-ს და უსაფრთხოების ახალი ბერკეტების ძიებაშია, მაშინ როცა, აღმოსავლეთი სულ უფრო გაბედულ ნაბიჯებს დგამს
ქართული პრესის მიმოხილვა 19.02.2024
ბორის სოკოლოვი - ნავალნი გააქრეს იმის გამო, რომ საპრეზიდენტო არჩევნების შედეგები არ შეეფასებინა და მხარდამჭერებისთვის აქტიური ქმედებებისკენ არ მოეწოდებინა, არ მჯერა, რომ რუსეთში აქციებს რევოლუციის გამოწვევა შეუძლია
Gulf+ ახალი თვითმომსახურების სადგურები „გალფისგან“
კრედო ბანკსა და აზიის განვითარების ბანკს შორის აგრო მეწარმეების მხარდასაჭერად 65 მილიონი ლარის მოცულობის გარიგებას მოეწერა ხელი