რუსეთის საგარეო უწყება - ნატო-ს წვრთნები სულ უფრო პროვოკაციული და აგრესიული ხდება

ნატო არ მალავს, რომ წვრთნების ფარგლებში რუსეთის მხრიდან თავდასხმის მოსაგერიებლად მოქმედებებს ახორციელებს, - ამის შესახებ რუსეთის საგარეო საქმეთა სამინისტროში.

"ნატოს სწავლება Steadfast Defender, რომელიც, არსებული მონაცემებით, 2024 წლის გაზაფხულზე იგეგმება, ევროპის რამდენიმე ქვეყნის ტერიტორიას მოიცავს და მასში დაგეგმილია 40 ათასზე მეტი სამხედრო მოსამსახურის ჩართვა", - აცხადებენ უწყებაში.

გარდა ამისა, სამინისტროს მტკიცებით, როგორც Defender სერიის ყველა სხვა მანევრი, აღნიშნული წვრთნები გულისხმობს ამერიკული შენაერთებისა და ტექნიკის ევროპაში გადასროლას და შესაბამისი ლოგისტიკის განვითარებას. "ნატო განუწყვეტლივ ზრდის წვრთნების მასშტაბებს ბოლო ათწლეულების განმავლობაში. ისინი სულ უფრო პროვოკაციული და აგრესიული ხასიათის ხდება და მიზანმიმართულად, ძირითადად, რუსეთის საზღვრებთან ტარდება" , - აცხადებენ რუსეთის საგარეო საქმეთა სამინისტროში.

უწყების მტკიცებით, ნატოს წევრები არ მალავენ იმ ფაქტს, რომ "ისინი ახორციელებენ მოქმედებებს სწორედ რუსეთის მხრიდან შეტევის მოსაგერიებლად".

„ამავდროულად, საუბარია ნატო-ს ძალების გამოყენების „რეალურ სცენარებზე“, - აცხადებენ რუსეთის თავდაცვის სამინისტროში.

მათი მტკიცებით, რუსეთი ნატო-ს რეგულარულად სთავაზობდა სხვადასხვა დეესკალაციის ინიციატივებს, მოუწოდებდა უარი ეთქვა პროვოკაციულ ნაბიჯებზე და წვრთნების ქვეყნის შიგნით ნებაყოფლობით გადატანაზე.„საპასუხოდ, ნატო სიტყვიერად აცხადებდა, რომ ჩვენს ქვეყანასთან დაპირისპირება არ სურდა, საქმით კი, ფაქტობრივად ჩვენს ზღურბლზე, "ძალის დემონსტრირებას" განაგრძობდა", - აცხადებენ რუსეთის საგარეო უწყებაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი